Advertisement

مسألة وقت / بسنت فرج


قصيدة بعنوان مسألة وقت لـ بسنت فرج



دارت الأيام و الليالي 
وحنيني ليك بيزيد
بفراقك انت يا غالي 
وللرجوع ما بتريد
ولجرح قلبي بداوي 
وعجبي لمن كان حبيب
ارتحت لما انت سيبت!
ارتحت لما انا تعبت!
وبتهرب من عيني 
لما علي وجعي قدرت
وبتلومني علي كلامي
وبجبروتك عايرت
لما صدقت حضنك 
وعلي نفسي كدبت
وقولتلي... 
كله بمزاجك يا حلوة
مجتش عليكي وغصبت
كنتي بالنسبالي مسكن 
لحد لما لحبي رجعت
انت صح والغلط عليا
لما اتوهمت بإنك كنت ليا... 
رحلة حلوة وقعدة بحر
كلمة في غنوة
وشعور اشبه بالسحر
لما قولت عينيكي حلوة
خلتني دوبت فيك
فا كسرت قلبي 
وأهانت روحي 
وبغلبي بأدعي ربنا يهديك
حكيتلك عن كل نقطة ضعف جوايا
كنت فاكرة اني وياك وانك هاتفضل معايا
متخيلتش انك تدوس عليها
أو حتي ف يوم تنعتني بيها 
لما بطيبتي قولت انك هاتكون لخوفي حماية
و آه .... و ألف آااه 
علي نقطة سودة انطبعت في حياتي 
وحتي لو في يوم نسيتهامسيرها هاتطاردني في ذكرياتي


بسنت فرج طالبه في كلية علوم الاعاقة، منذ أن كانت طفلة كانت تراودها فكرة تأليف الشعر ولكن بطبيعتها الخجولة كانت تخشي أن يقرأ احد قصائدها ومع مرور الوقت نمت هذة الفكرة بخاطرها منذ أن كانت تهوي كتابة مواضيع التعبير عن عمر يناهز الـ7 سنوات ولكن انشغلت بدراستها ودوامة الحياة وانشغلت أيضاً فى المشغولات اليدوية والرسم إلي أن ادركت انه لا مجال للتعبير عن مشاعرها إلا من خلال الشعر، فعادت مرة آخري إلي كتابة الشعر، ومن أعمالها (جنتي شهادتي - قلوب تنزف - أحببت نمروداً - مسألة وقت - رباعيات فلاحي - خاطرة شبح الموت يزعزع طمأنية الحياة).